G-Side | 分享生活，分享乐趣

钻石被偷而已，怎么会搞出人命来呢？

出场人物：
祝SIR（祝）
静宜（静）
卓琳（琳）
李广先（先）
李志平（平）
李太（太）

第三场
(滴…滴…按保险箱电子锁的音响)
先：两位，呢粒就系凯旋之星。
静：哗！好大粒、好闪、好靓呀！
祝：真系大开眼界呀，系嘞，李生，唔知除了你之外，仲有边个知道呢个保险箱架密码？
先：我太太…我个仔都知道保险箱系放系呢度，但系知道密码既得我同我太太两个。
琳：其实我黎过甘多次，都是今日先知道个保险箱系放响度架。
祝：甘都好，越少人知道，风险就越少。
平：（忽然出声）系啦，自己个仔都唔俾得他知，惊死人同他抢身家呀。
琳：咦，志平，你返黎啦？
先：哼，祝SIR，呢个就系我个仔，志平。
祝：李生，你好，我姓祝，系黎调查有关凯旋之星恐吓信架。
平：叫我志平得嘞，系呢，祝SIR，我老豆有无话我系嫌疑犯之一呀？不如你拉我返去，听日先放我出黎呀，费事他话系我偷左粒钻石呀。
先：衰仔，你讲MAY野呀？
琳：志平，唔好甘啦，不如我同你落楼下先呀。李生，我同志平先落去，等阵吃饭再上黎叫你地呀。
（脚步声离开）
静：哗，李生，MAT你个仔甘唔好老皮既？
祝：李生，恕我多口讲句，你同你个仔感情好似唔系甘好窝。
先：哼，他成日叫我俾机会他，但系自己又唔生性，交俾他做既几个PROJECT都搞到唔汤唔水，你话我第日点放心将成间公司交俾他打理呃。
祝：李生，个仔仲后生，或者他未定性嘞。
先：唉，我系他甘既年纪既时候，已经出黎做三行，慢慢由帮人担砖头开始，到拥有自己既建筑公司，甘多年黎捱生捱死都系为左间公司，为左呢头家，系，无错，我系成日闹他，但系我都系为左他好者，点解他唔明白我既苦心吖。
祝：李生，唔好想甘多啦，有MAY野事都等过埋今晚先讲啦。
先：嗯…系罗，过埋今晚就天都光晒啦。
（音乐渐大）

第四场
静：啊…头先餐晚餐食得我鬼死甘饱，搞到我家吓想训（睡）添。
琳：静宜，不如你抖吓啦，依家距离12点仲有成10分钟，应该无问题既。
静：你都识讲得十分钟，重要关头呀，仲叫我抖？博炒呀？
祝：系呀，由依家开始我地要打醒十二分精神，因为个怪盗XYZ随时都会出现架。
静：祝SIR吖，你估会唔会俾人整蛊呢？
平：系呀，我老豆得罪人多，称呼人少，俾人整蛊一定都唔出奇嘞。
祝：系唔系俾人整蛊一阵就知道，其实我都希望系甘，至少唔会有事发生。
静：系嘞，李生食完饭就一个人上左楼睇住个保险箱，我地响呢晒呢度系咪无甘好呢？
琳：唔知李生一个人响楼上有无问题嘞？志平，不如你上去睇吓你爸爸呀？
平：咪啦，费事他话我谋住粒钻石呀。
祝：算我多口问句，其实我觉得李生都唔系甘难相处既人，点解你地既关系会甘恶劣既？
平：家下他有事求你梗系好相宜啦，你知出边人点讲他呀？孤寒、刻薄、贪心、自私，总之你念到既都可以套用系他身上，除左好既之外啦！
静：哗，MAT你甘样讲你老豆架？
平：哼，他有无同你地讲我做既个几个PROJECT呀？梗有啦，他梗系讲我搞到唔汤唔水架。你地知唔知点解？因为他系甘CUT我BUDGET，偷工减料，无钱你话我又可以点样呃？
静：做建筑既如果偷工减料，声誉就一定臭晒，以后起既屋想温（找）人买都难呀。
平：唔怕老实同你地讲，其实前排屋价系甘跌，搞到少人买楼，就算想买都会睇定DI啦，我地既声誉又唔系甘好，真系蚀好多架，争的搞到周转唔黎要宣布破产甘滞，好在我周围同银行倾贷款，最后终于大步揽过，勉强搞掂咋。
琳：系呀，个阵志平早出晚归，我净系帮他打信俾银行都唔知打作几多封呀！
祝：估唔到你都为公司出左唔少力呀。
平：话晒都家族生意，唔通睇住破产都唔理MAY。
静：甘又系，最后又嘛系要交俾你打理。
平：我同老豆提过要加返地人工俾伙计，至少跟返市场既薪水吖，话晒班伙计都帮左我地甘耐，加返地人工，巨地（他们）会仲更加为公司卖力添。点知他话唔加就唔加，如果地伙计嫌少可以辞职，家吓慌请唔到人呀。
琳：其实李生对伙计都无MAT野吖，系，份人工系就系少坐地，但系做生不如做熟，话晒依家要温（找）过份工都唔系甘易。
平：无MAT野？哼，他就梗系唔觉有野啦，你睇你，平时系他秘书兼私人助理，家吓仲要帮他打扫屋企，喂，你系我女朋友，唔系他个廉价女佣呀！
琳：你都识讲我系你女朋友友啦，唔计较得甘多架啦。
静：他都系戥你唔抵者。
祝：其实头先李生都有提过话，他成日话你都系希望你生性，你都应该明白他既苦心吖。
平：苦心？他担心我吞左他间公司就真。
琳：志平，唔好甘话李生啦。
静：系罗，话晒他都系你老豆呀。
祝：呃…系呢？点解甘夜都唔见李太既，他平时打牌都打都好夜架？
平：其实妈咪唔打牌仲又有MAT好做，甘早返黎做MAY吖，对住个老野你估好好玩吖？
祝：李太通常去边度打牌多架？
琳：无定架，有时响陈太屋企，有时又会响黄太度，间中都会响度开桌架。
祝： 李太无出公司帮嘛？
平：老豆话女人唔好理甘多野，净系响屋企做少奶奶就够嘞。
静：哗，MAT野年代啦，仲有DI甘既思想架！
平：我都系甘讲，所以妈咪钟意打牌，咪由得她罗，成日困响屋企会痴线架。
祝：十二点嘞，其实我有点担心李生，唔知他一个人响楼上点嘞？
平：担心MAY吖，你慌他会有事MAY？
（忽然传来爆炸声）
静：系响后花园传黎架。
祝：我地快地去睇吓。
（急促的脚步声）
琳：咦？点解无人既？
祝：弊，系调虎离山之计！李生有危险呀！
（忽然传来一声惊叫声）
先：啊…救命呀…
祝：（紧张）我地快地上楼睇吓。
（急促的脚步声）
（撞门声）
祝：李生，你点呀？
先：好痛呀…
静：李生个腰度中左刀，仲流左好多血呀！
先：爆炸…之后…有个蒙住面既黑衣人走入黎…保险箱…啊…
平:爸，你点呀？唔好讲甘多先嘞!
琳：志平,快地罗条手巾噤住个伤口先啦！
祝：保险箱入便既凯旋之星唔见左，梗系俾个贼罗走晒左，他一定系趁我地全部走去后花园既时候，响前门走左啦。嗯，甘短既时间，个贼一定走唔远。
静：甘我地快点追呀！
祝：好,志平，你留响度打电话叫救伤车同照顾李生，静宜、卓琳，我地出去睇吓！
琳：甘我地快点去嘞！
（急促下楼、开门声）
祝：出便黑麻麻，MAT野都睇唔到。
静：点追呀？我地连个贼走去边便都唔知，追MAY呀？
琳：咦？你地睇，好似有架车驶紧埋黎窝？
（车声渐大，停下，开车门声，关车门声）
太：咦？卓琳，做MAY夜麻麻走出黎呀？呢两位又系边个呀？
琳：（紧张）李太，你返黎就好啦，李生他…
祝：（打断）原来系李太，我姓祝，系黎调查凯旋之星被偷一案既。
太：哦，原来系祝SIR，哎呀，偷MAY呃，慌唔系我老公自己疑神疑鬼，无野温野黎搞MAY！哦，我明啦，甘你地系响度守夜呀？
静：李太，凯旋之星刚刚俾人偷左，李生仲中左刀。
太：啊，甘…甘我老公有无事呀？点解会甘架？究竟发生MAY事呀？
祝：李太，你冷静点，等我讲俾你听啦。
（音乐渐入）

第五场
（铃…铃…电话铃声）
静：喂…唔该等等呃，祝SIR，医院打黎既电话呀。
祝：唔该…喂，我系…嗯…唔该你地。
太：祝SIR，医院点讲呀？我老公他有无事呀？
祝：李太，医院话…李生抢救唔切，系送院途中经已不治身亡。
太：哗！点解会甘架…呜…无可能架…
琳：李太，你唔好甘伤心啦。
太：我唔应该去打牌既，如果我陪响他身边，他就唔死嘞…呜…
平：妈，你唔好甘伤心啦，点关你事者。卓琳，你帮我扶阿妈入房抖吓先。
琳：系罗李太，都唔关你事，黎啊，李太，我扶你入房呀。
太：家吓我老公死左呀，唔关我事…呜…我唔应该去打牌既…
（哭声渐远）
平：祝SIR，真系唔好意思嘞，我妈既情绪唔系甘稳定。
祝：唔好甘讲啦，呢DI都系人之常情，我又点会介意嘞。
平：系嘞，祝SIR，医院方面仲点MAY野讲呀？
祝：巨地（他们）话，李生身上分别系腰同心口各有一个伤口，而致命既就系插正心口果一刀。
静：哗！插正心口？个怪盗既眼界都几准窝！
祝：尊重点，唔好玩呀！
静：哦！SORRY。
祝：系啦，志平，我地想到后花园同入李生个书房睇吓。
平：好，等我陪你地入去啦。
祝：唔使嘞，搞左成晚，你都累嘞，不如你入房抖阵先，我阵间仲要帮你地录份口供。
平：甘好啦，你地自便呀，我去阖阵先，有MAY野事就叫我啦！
（脚步声渐远）
静：哗，死老豆窝，MAT他好似MAY事都无甘既。
祝：DI有钱仔系甘既啦，问巨地（他们）边个亲？梗系钱至亲啦！
静：祝SIR，又叫我尊重地，自己又响度甘样讲。
祝：车，他都听唔到，由你点讲都得啦！
静：系嘞，祝SIR，你觉唔觉得单CASE有DI怪呀？
祝：系有DI怪，但系又讲唔出边度有问题。
静：个怪盗XYZ真系甘把炮？神不知鬼不觉就偷左粒钻石，唔通他识飞天？
祝：无人系识飞既…他一定有点方法系我地未解开既者。
静：但系他真系好犀利，完全无一丝痕迹留低。
祝：系，无理由可以甘干净利落既，梗有DI野系我地睇漏左既。
静：甘…你有无怀疑过系当中既几个人呀？
祝：我唔排除有呢个可能，而且仲好有可能添。
静：祝SIR，你估李太有无问题呀？
祝：查案唔系罗黎估架，查案系要靠推理，讲证据既。无可否认，系事发既时候，她刚刚返黎系太过巧合，但系又唔可以甘就话她有问题既。
静：但系响个阵时，李志平同卓琳都同我地一起窝，系个李太无不在场证据咋。
祝：你唔见李太系有车送她返黎既MAY？个个嘛系她既证人啦！
静：各个都有不在场证据，甘既系点者？
祝：唔好急，等我地先去后花园细心睇吓，话唔定有新既发现呢！
静：祝SIR，甘你行先，我跟你尾向你学野嘞。
（音乐过场）

-待续-