G-Side|幸福颜色 2.0

原来杀手就是他！

出场人物：
祝SIR（祝）
静宜（静）
卓琳（琳）
李志平（平）
李太（太）

第六场
静：祝SIR，头先就系呢盘花发生爆炸既啦。
祝：嗯…系计时炸弹…
静：计时炸弹？个怪盗几时摆响度架？
祝：个计时炸弹系埋响呢盘花度，所以我地咪就见唔到嘞。
静：祝SIR，你响度系甘研究个炸弹既残骸，唔通巨（它）好特别？
祝：刚刚相反，呢个只系好普通既计时炸弹，就系DI人用黎炸墙既个一类。
静：甘既系任何人都好轻易买得到嘞，好难跟者。
祝：其实又唔系甘难既…除非系…嗯，行啦静宜，我地依家上书房睇吓。
（边走边讲）
静：祝SIR，照计个怪盗都已经将钻石拿到手，无理由仲要杀李广先架？
祝：无错，我都系甘念，他真系无必要杀人，除非发生左一DI意料之外既事啦。
静：发生左MAY野事呀？
祝：我知道就破左案啦，傻妹…吖，甘快就到左书房嘞，嗯…由后花园上度黎书房，用左唔使一分钟既时间，点解可以响甘短既时间发生甘多事既？
静：都话明系怪盗嘞，果然高超。
祝：我地入去嘞。记住，千祈唔好整乱个案发现场呀。
静：知道嘞，你真系当我新仔MAY！
祝：照现场既情况睇黎，个凶手系用好短既时间就将死者制服，你睇，周围都无MAT打斗过既痕迹。
静：但系他系点样入黎架嘞，祝SIR，头先我地听到救命上黎既时候，度门系反锁左架，我记得仲系你将度门撞开既。
祝：无错吖，但系度门反锁并唔代表MAT野。首先，我地唔知道度门原本系咪锁住，如果无锁既话，甘就讲得通个凶手点解可以响甘短既时间内制服李广先，至于反锁就仲简单，响他离开既时候襟一下门锁粒制就得啦。不过…系咪真系甘嘞？
静：个保险箱系又点样打开架嘞？
祝：有两个可能。一，就系凶手自己开，二，就系凶手逼李广先打开。
静：甘你话呢？
祝：嗯，如果李广先俾个凶手制服左，好有可能会逼他打开保险箱…但系，甘样一黎就无可能可以响甘短时间走得甩架。
静：点解吖？
祝：你想吓，如果你系李广先，响你被人要胁住要你打开保险箱既话，你梗会心不甘情不愿架，甘你会唔会慢慢开吖？
静：俾我就一定会拖延时间，希望拖到有人上黎为止。
祝：所以最正确既答案就系个凶手知道密码，甘他就可以响插伤李广先之后，以最快既速度打开保险箱，跟住就离开。
静：甘个凶手一定系知道密码既人！嗯，知道密码既人有两个，一个系受害者李广先，另一个就系李太，唔同个凶手就系李太？
祝：我都响度念紧，但系又好似无MAT可能。第一，她系响凶案发生后先至出现，仲系有人用车送她返黎，所以她系有充分既不在场证据。加上以她一个女人，要系甘短既时间内制服李广先似乎无MAT可能。
静：但系…最要嫌疑既似乎系她WO。
祝：我地睇野唔可以净系睇表面，甘样会睇漏很多野架。
静：哦，知道嘞，祝SIR。
祝：你再周围睇吓重有MAY野发现。
静：知道。
祝：静宜，个把刀…即系个把凶器，你送左去化验未呀？
静：送左嘞，巨地（他们）话一有消息就会通知你呀。
祝：唔该晒。
静：咦，祝SIR，你睇，呢条手巾有好多血呀！
祝：呢条咪系头先卓琳交俾志平帮李广先襟住伤口既手巾，你记得呢条手巾系边个架？
静：嗯，我记得系卓琳随手响台度罗架，应该系李生既呱。
祝：咦？点解会有口水印既？
静：有口水？睇过…系WO，真系有口水印既痕迹，点解嘞？
祝：我念，我知道答案啦！
静：祝SIR，你知道边个系凶手？快地同我讲啦。
祝：嗯…黎啦，我地落去啦，等阵出去既时候记得响书房度门度落封条，禁止任何人出入啊。
静：喂，祝SIR，快地同我讲啦！
祝：你依家唔好问甘多，即刻帮我叫晒巨地（他们）起身，响大厅度等我。
（音乐过场）

第七场
祝：各位，我知道大家依家都好难过，但系我仍然希望问各位几个问题，以便更快地将凶手缉拿归案。
平：有MAY就快DI问啦，我妈既精神状况唔系甘好，我想她多DI休息。
祝：唔会阻你地好多时间既。请问，保险箱既密码有几多个人知道？
太：个密码得我同我老公知。
祝：连志平都唔知？
太：系。
祝：甘呢个密码又用左几耐吖？
太：我老公周不时都会重新SET过密码，呢个密码系寻晚收到恐吓信后就换左，点解你会甘问既？
祝：因为，原本我地怀疑个怪盗知道密码。
太：甘…甘，你地既系怀疑我？呜…
琳：李太，你唔好甘激动住，小心身体呀！
平：系罗，妈咪，祝SIR都无话怀疑你。
太：但系，他话个怪盗知道密码，甘依家你爸又唔响度嘞，唔怀疑我仲怀疑边个呀？呜…
祝：李太，我系话原本我怀疑个怪盗知道密码，无话怀疑你吖。
太：甘…既系点呀？
祝：我阵间先解释俾李太知道，依家我想知道李太你今晚响边度打牌呀？
太：响陈太间屋度，一起打牌既有陈太、黄太同刘太，我地响今朝就开始打牌，一直到十一点半，打完牌之后我就坐刘太架车返黎既。
静：系咪我地见到个架？
太：系。
祝：甘李太你一直响陈太间屋度无出过去？
太：系。
祝：唔该晒李太。
太：甘…既系点呀？
祝：唔使紧张，我话过阵间会解释俾你听。志平，你爸DI声誉真系唔系甘好？
平：他…其实出便DI行家都唔系甘中意他既作风，话他呢D系伤人不利己既做法。
祝：甘你点睇吖？
平：老实讲，我都唔系甘满意他既做法，但系…他依家都唔响度嘞…
祝：系嘞，卓琳，你认唔认得呢条手巾吖？
琳：我认得，系我俾李生襟住伤口用既。
祝：无错，甘你又记唔记得响边度罗架？
琳：嗯…我顺手响台度罗既。
祝：你跟住李生甘耐，你知唔知他有无用手巾既习惯？
琳：平时李生都无带手巾既习惯，不过他会响公司同埋屋企既他书台上都准备一条用黎抹手，他话手汗多好唔方便吖。
祝：甘他会唔会用黎抹嘴嘞？
琳：绝对唔会。
平：讲甘多手巾做MAY吖，你到底有DI MAY野想讲呀？
祝：我净系想更加确定凶手者。
平：甘你依家知道个凶手系边个嘛？
祝：系，已经我知道嘞。
太：甘…边个系凶手？
祝：李太，个凶手就响度，李志平，你就系凶手！
（音乐响起）
平：你…你讲MAY呀！
太：无可能，志平点会杀他爸呀？
琳：志平唔系一直同我地一起MAY？点会系他呀？
平：系呀，我一直都同你地一起，点会系我呀？
祝：你有一段时间无同我地一起，就系我地走左出去，净返你留低打电话叫救伤车，你就系利用呢段时间杀人。
平：但系，响我爸中刀前我一直都同你地一起架，我仲记得系你踢开度门，甘我地先至入到去。
祝：无错呀，李生受伤前我地的确响一起，但系杀死李生既时候就无嘞。
琳：对唔住，祝SIR，我唔系好明你讲MAY呀？
祝：你地记得我地冲入房既时候，李生系边度受伤架？
静：我记得，系响腰部，志平仲用手巾襟住个伤口。
祝：甘，他的死因嘞？
静：插正心口而死…？
祝：对！我地冲入去既时候，李生净系腰部受伤，所以我地净系见到他襟住腰部个伤口，而心口个一刀，系我地去追怪盗既时候，个凶手补上去既。凶手为左唔要令死者嗌出声黎，所以就用手巾黯住死者个口，所以我地先至发现手巾度有口水。而可以做到呢件事既，就系留低打电话既李志平。
平：但系…你头先明明话怀疑个怪盗知道密码，我都唔知密码，点会系我呀？
祝：我系话个怪盗知道密码，无话个凶手要知道吖，因为涉及呢件案件既有两个人，怪盗唔系你，但系凶手一定系你！
太：点解会有两个人？
祝：其实个怪盗就系李生，李广先本人！腰部个一刀系他自己插架！
（音乐响）
琳：点解会甘架？
祝：其实一开始我就怀疑到底有无怪盗既存在，因为他可以无声无息既将恐吓信放响书台上，又指明偷钻石既时间，太过明目张胆嘞。过后又可以响甘短既时间内偷走钻石，唔通他真系识飞？所以我就觉得个怪盗一定知道密码，而知道密码又可以响甘段时间内做到所有事既，就只有李广先一个。
静：祝SIR，点解你会怀疑李生嘞？
祝：因为我知道他近排DI生意好似有DI问题，当我知道他为凯旋之星买左几份好大额既保险之后，我就更加怀疑他系有阴谋地想呃保险公司。
静：原来他想制造凯旋之星被偷黎呃保险金。甘响后花园传黎既爆炸声呢？
祝：个个系计时炸弹，时间一到就会自动引爆，计时炸弹对于一个建筑商黎讲绝对唔系难事，因为巨地（他们）时常都要做爆破工作。
静：甘我地咪俾他呃左？
祝：他个计划原本都几周详，但系就估唔到个仔居然借呢个机会杀左他。
太：志平，究竟祝SIR讲既野系唔系真架？…你讲野啦，你快DI讲唔系你做架啦！
平：系…系我杀左他既！鬼叫他甘睇我唔起，我已经落公司帮他手，公司出现问题，我都周围去同银行倾贷款，我做甘多野他都睇唔起我，唔放心将公司交俾我打理，系他逼我甘做架！
琳：志平，点解你会甘样想，其实李生他好锡你架。
平：卓琳，你唔好帮他讲说话，唔通你觉得他对你好好MAY？成日对你呼呼喝喝，要你做呢样做个样。你系我女朋友黎架，我点可以忍受呀！
琳：但系你都唔晒杀他架？他系你爸黎架！
平：我原本都无念住要杀他，当时我同你地冲到入房既时候，我见到他中左刀我都好紧张架，过后你地走左出去，他同我讲，我先至知道原来系一个骗局，原来系他想呃保险金既骗局，而我地只不过系他既棋子，一只俾他摆布既棋子。跟住我就执起把刀，襟住他把口，大力地一刀插落他心口度，只有甘，我地先至可以摆脱他既摆布。
太：志平，你错怪左你爸爸嘞，其实他好锡你架。
平：哼，他锡我？他次次都话见到我就眼火爆，锡我！
太：你爸他口硬心软者。你知唔知点解你爸唔将公司交俾你？因为他知道依家公司既情况，他唔想你一经手就要收拾残局，他要将公司移返上轨道之后才交俾你，他唔想你甘辛苦…我念他想呃保险金都系因为甘样者。
平：无可能既…他唔会甘好死既…
琳：系真既，志平，李生成日同我讲，他要帮你将所有障碍都清除，等你接手既时候可以轻松好多。至于他要我做甘多野，都系希望我可以帮到你手者。
平：啊…爸，甘我咪怪错左他…
（电话铃声响起）
祝：系…我系…好…唔该晒你。
祝：志平，头先监证科打电话黎话，把凶器上除左死者李广先既指纹之外，仲有你既指纹，家吓我要正式拘捕你。
（音乐过场）

第八场
静：犀利WO祝SIR，唔使一晚既时间就破左一单案，不愧为我既偶像吖！
祝：偶MAY像呀？你都唔知我几心黯呀？
静：点解呀？
祝：伦理大悲剧WO，你唔觉既MAY？
静：甘又系…
祝：我地成日以为人地唔应该甘样对我地，但系又有无想过我地系点样对人吖？其实李广先根本就唔应该死，如果他平时好好地同个仔沟通，根本就唔会有呢件事发生。
祝：但系我真系估唔到，人为左钱，竟然连老豆都可以杀既。
祝：你又有几多野估得到吖！
静：系嘞祝SIR呀，你又点会想到手巾上既口水原来系大有文章既？
祝：仲记得我曾经讲过MAY吖？响呢个世界无犯罪系毫无破绽既，主要系睇你温唔温到甘解者。
（音乐渐入）
（全剧完）